• en
IPO

Арилжааны тайлан

Индекс

48519.7

( -463.07 -0.95% )
Индекс Нэгж Өөрчлөлт
Top 20 Индекс 48519.7 -463.07
MSE A Индекс 18148.93 -602.04
MSE B Индекс 14500.05 -236.81

Мэдээ мэдээлэл

НАЛАЙХ ДҮҮРГИЙН СУРАГЧДАД ХӨРӨНГӨ ОРУУЛАЛТ ХӨРӨНГИЙН ЗАХ ЗЭЭЛИЙН МЭДЛЭГ ОЛГОХ СУРГАЛТ ЗОХИОН БАЙГУУЛЛАА

2025-04-04 17:46:11

Энэхүү үйл ажиллагааг ахлах ангийн сурагчдын хувь хүний хөгжлийг дэмжих, өсч хөгжих боломжууд, зөөлөн ур чадварыг нэмэгдүүлэхэд чиглүүлж санхүү, хөрөнгө оруулалтын мэдлэг олгох, эрсдэл ба ногоон даатгалын сэдвүүдээр сонирхолтой илтгэлүүд танилцуулсан юм.

ҮНЭТ ЦААСНЫ КОМПАНИУДАД ШИНЭЧЛЭН БАТАЛСАН ГИШҮҮНЧЛЭЛИЙН ЖУРМЫГ ТАНИЛЦУУЛЛАА

2025-04-04 17:10:55

“Монголын хөрөнгийн бирж” ХК-ийн Хяналт зохицуулалтын газрын Хяналт, шинжилгээний албанаас Монголын хөрөнгийн биржид гишүүнчлэлтэй Үнэт цаасын компаниудад Гишүүнчлэлийн журмын шинэчилсэн найруулгыг дэлгэрэнгүй танилцууллаа.

"ХАСБАНК" ХК ХУВЬЦАА ЭРГҮҮЛЭН ХУДАЛДАЖ АВАХ ХӨТӨЛБӨР ХЭРЭГЖҮҮЛЭХЭЭР ШИЙДВЭРЛЭСЭН БАЙНА

2025-04-04 17:07:05

Тус банк 6 сарын хугацаанд 4,000,000 ширхэг хүртэл хувьцааг нэг бүрийг нь 888 төгрөг хүртэл үнээр тооцон, нийт 3,500,000,000 төгрөг хүртэл үнийн дүнгээр, худалдан авч халааслахаа мэдэгдлээ.  

Мэдээ мэдээлэл

"ИНВЕСКОР БОНД 2.0"-ЫН АНХДАГЧ ЗАХ ЗЭЭЛИЙН АРИЛЖААНЫ НЭЭЛТИЙН ЁСЛОЛ БОЛЛОО

2022-12-12 09:08:29

“Инвескор ББСБ” ХК-иас олон нийтэд санал болгож буй "Инвескор Бонд 2.0" бондын анхдагч зах зээлийн арилжааг өнөөдөр эхлүүлж, хүндэтгэлийн цан цохилоо. Үнэт цаасны танилцуулгад тусгасны дагуу энэхүү өрийн хэрэгслийг хэсэгчлэн арилжаалах ба I транч буюу эхний ээлжийн нэг бүр нь 100,000 төгрөгийн үнэ бүхий 12 сарын хугацаатай, жилийн 18 хувийн хүүтэй, 100,000 ширхэг бондыг  зах зээлд санал болгож, 10 тэрбум төгрөг татан төвлөрүүлэхээр төлөвлөж байна.

Цан цохих ёслолын арга хэмжээг нээж  Монголын хөрөнгийн биржийн Хяналт зохицуулалтын газрын захирал А.Мөнхбаясгалан үг хэлсэн бөгөөд тэрээр:

"Монголын хөрөнгийн зах зээл дээр арилжаалагддаг томоохон үнэт цаас бол өрийн хэрэгсэл юм. 30 жилийн хугацаанд Монголын хөрөнгө оруулагчдын итгэлийг хүлээсэн хөрөнгө оруулах хэрэгсэл болжээ. Тэгвэл бид өнөөдөр дахин нэг бондын анхдагч зах зээлийн арилжааг эхлүүлж Монголын хөрөнгийн биржийн 6861 дэх удаагийн арилжааг нээж, хүндэтгэлийн цан цохих гэж байгаад баяртай байна.

“Инвескор Бонд 2.0” нь “Инвескор” ХК-иас хэрэгжүүлж буй өрийн бичгийн 2 дахь хөтөлбөр бөгөөд уг бонд нь   12-24 сарын хугацаанд, жилийн 15-18 хувийн өгөөжтэй, нэг бүр нь 100,000 төгрөгийн нэрлэсэн үнэ бүхий 500,000 ширхэг бондыг 5 хэсэгчлэн арилжихаар төлөвлөж байгаа бөгөөд эхний ээлжийн буюу 1-р транч нь 12-р сарын 12-ны өдрөөс 12-р сарын 16-н хүртэл явагдаж, 18 хувийн өгөөжтэй, 100,000 ширхэг өрийн хэрэгслийг олон нийтэд санал болгож, 10 тэрбум  төгрөгийг татан төвлөрүүлэхээр төлөвлөж байгааг дуулгахад таатай байна." гэлээ.

Арилжааны нээлтийн арга хэмжээнд Монголын хөрөнгийн биржийн Хяналт зохицуулалтын газрын захирал А.Мөнхбаясгалан, Санхүүгийн зохицуулах хорооны дэд дарга Т.Цэрэнбадрал, "Инвескор ББСБ” ХК-ийн тэргүүн дэд захирал Н.Арсланбаатар, “Таванбогд Капитал ҮЦК” ХХК-ийн гүйцэтгэх захирал Г. Мөнх-Эрдэнэ нар оролцож үг хэлсэн бол  "Инвескор ББСБ” ХК-ийн тэргүүн дэд захирал Н.Арсланбаатар Монголын хөрөнгийн биржийн 6861 дэх удаагийн арилжааг нээж, хүндэтгэлийн цан цохилоо.

Үнэт цаасны танилцуулгыг энд дарж үзнэ үү. 

МОНГОЛЫН ХӨРӨНГИЙН БИРЖ