Төрийн Өмчийн Хороо, Монголын Хөрөнгийн Бирж болон Лондонгийн Хөрөнгийн Биржийн хооронд байгуулсан “Ажлын мастер гэрээ”-ний дагуу арилжааны шинэ систем нэвтрүүлэх ажлын хүрээнд “MILLENNIUM IT” системийн нэгдсэн сургалтыг нийт гишүүн брокер, дилерийн компаниудад зориулан явагдаж өнгөрлөө. Уг сургалт нь МХБ дээр явагдаж Лондонгийн Хөрөнгийн Биржийн охин компани болох “MILLENNIUM IT” компанийн гурван мэргэжилтнүүд ирж явуулсан бөгөөд гишүүн бүх БДК-ууд сургалтанд идэвхитэй оролцов. Уг сургалтанд функциональ боломжууд, арилжаанд оролцох шинэ програмыг танилцуулага, төвлөрсөн хадгаламжийн системд хэрхэн хандах зэрэг сэдвүүдийн хүрээнд дэлгэрэнгүй мэдээлэл өгсөн байна. Технологи хэрэгжүүлэх дараагийн үе шат нь шинэ системийн туршилт болон арилжаанд оролцогчдод зориулан туршилтын арилжаа зохион байгуулах ажлаар үргэлжлэх ажээ.