2024 оны 11 дүгээр сарын 07-ны өдөр энгийн арилжаагаар 48 хувьцаат компанийн 702,617,955 төгрөгийн үнийн дүн бүхий 1,260,357 ширхэг хувьцаа арилжаалагдсанаас 21 компанийн хувьцааны ханш өсч, 20 компанийн хувьцааны ханш буурсан бол 7 компанийн ханш тогтвортой байлаа.

Үүнээс Стандарт проперти групп ХК (BBD +14.99%), Жуулчин говь ХК (JGV +14.97%), Хөвсгөл алтан дуулга ХК (ADU +14.52%) зэрэг компаниудын хувьцааны ханш хамгийн өндөр өсөлттэй байсан бол Авто импекс ХК (AOI -14.89%), Тандэм инвэст ББСБ ХК (VIK -11.40%), Оллоо ХК (OLL -4.26%)-ийн хувьцаа хамгийн их уналттай байв.

Мөн өнөөдрийн үнэт цаасны арилжаагаар: 

• Хөрөнгө оруулалтын 2 сангийн 29,569 ширхэг нэгж эрх 2,613,848 төгрөгөөр,

• Хөрөнгөөр баталгаажсан 401 ширхэг үнэт цаас 20,050,000 төгрөгөөр,

• Компанийн бондын хоёрдогч зах зээлийн арилжаагаа нийт 62 ширхэг үнэт цаас 6,200 ам.доллар (MNT 21,135,490)-аар тус тус арилжигдсан байна.

Уул уурхайн бүтээгдэхүүний арилжаагаар:

• "Энержи Ресурс" ХХК-ийн 3 багц 19,200 тонн баяжуулсан коксжих нүүрс 20,160,000 юань буюу 9,601,603,200 төгрөгөөр,

• "Монголросцветмет" ТӨҮГ-ын 5 багц 16,500 тонн 52%-ийн агууламжтай төмрийн хүдэр 1,105,500 ам.доллар буюу 3,768,594,225 төгрөгөөр,

• "Дарханы төмөрлөгийн үйлдвэр" ХХК-ийн 2 багц 6,600 тонн 58%-ийн агууламжтай төмрийн баяжмал 399,300 ам.доллар буюу 1,361,193,735 төгрөгөөр,

• "Энержи Ресурс" ХХК-ийн 4 багц 25,600 тонн баяжуулсан дунд зэрэг үнстэй хагас хатуу коксжих нүүрс 12,032,000 юань буюу 5,730,480,640 төгрөгөөр тус тус арилжигдсан байна.

Энэ өдөр нийт 21,208,289,093 төгрөгийн үнийн дүн бүхий арилжаа зохион байгуулав. 

ТOП-20 индекс 0.13% хувиар өсч, 49,013.01 нэгж болсон бол зах зээлийн үнэлгээ 12,392,632,253,978 төгрөг боллоо. 

• Үнэт цаасны арилжааны дэлгэрэнгүй мэдээллийг энд дарж үзнэ үү. 

• Уул уурхайн бүтээгдэхүүний арилжааны дэлгэрэнгүй мэдээллийг энд дарж үзнэ үү.

МОНГОЛЫН ХӨРӨНГИЙН БИРЖ