• en
IPO

Арилжааны тайлан

Индекс

48982.77

( -365.62 -0.74% )
Индекс Нэгж Өөрчлөлт
Top 20 Индекс 48982.77 -365.62
MSE A Индекс 18750.97 -588.56
MSE B Индекс 14736.86 -39.53

Мэдээ мэдээлэл

“БАЙГАЛЬ ОРЧИН, НИЙГЭМ, ЗАСАГЛАЛ (БОНЗ), ТОГТВОРТОЙ БАЙДЛЫН ТАЙЛАГНАЛ” СЭДЭВТ СУРГАЛТ ЗОХИОН БАЙГУУЛЛАА

2025-04-03 13:46:31

2024 онд нийт 27 компани БОНЗ-ын тайлангаа ирүүлж байсан бол, 2025 оны 04 дүгээр сарын 03-ны өдрийн байдлаар “Монголын хөрөнгийн бирж” ХК-ийн 1-р ангилалд бүртгэлтэй 26 компаниас 14 компани тус тайланг ирүүлсэн байна.

ЗАСГИЙН ГАЗРЫН ДОТООД ҮНЭТ ЦААСНЫ НЭЭЛТТЭЙ АРИЛЖАА 2025 ОНЫ 04 ДҮГЭЭР САРЫН 16-НЫ ӨДРӨӨС ЭХЭЛНЭ

2025-04-02 16:22:44

Хөрөнгө оруулагчид Засгийн газрын дотоод үнэт цаасны анхдагч зах зээлийн арилжаанд оролцохдоо үнэт цаасны брокерын үйл ажиллагаа эрхлэгч компаниар дамжуулан захиалга өгөх бөгөөд арилжаатай холбоотой дэлгэрэнгүй мэдээллийг "Монголын хөрөнгийн бирж" ХК-ийн цахим хуудас (www.mse.mn) болон үнэт цаасны компаниудаар дамжуулан авна уу.

04-Р САРЫН 02-НЫ ӨДРИЙН АРИЛЖААНЫ МЭДЭЭ

2025-04-02 15:58:26

Энэ өдөр нийт 12,690,874,446 төгрөгийн үнийн дүн бүхий арилжаа зохион байгууллаа. 

Мэдээ мэдээлэл

ЗАСГИЙН ГАЗРЫН ДОТООД ҮНЭТ ЦААСНЫ НЭЭЛТТЭЙ АРИЛЖАА 2025 ОНЫ 04 ДҮГЭЭР САРЫН 16-НЫ ӨДРӨӨС ЭХЭЛНЭ

2025-04-02 16:22:44

Сангийн яам нь Засгийн газрын дунд хугацааны өрийн удирдлагын 2023-2025 оны стратегийн баримт бичгийн зорилт 4-т заасны дагуу Засгийн газрын дотоод үнэт цаасны зах зээлийг дэмжих, санхүүгийн зах зээлд төгрөгийн бондын суурь хүүг тогтоох зорилгоор Засгийн газрын дотоод үнэт цаасны нээлттэй арилжааг 2025 оны 4 дүгээр сарын 16-ны өдрөөс эхлүүлэхээр боллоо.

Засгийн газрын дотоод үнэт цаасны нээлттэй арилжаа 2017 оны 10 дугаар сард зогссоноос хойш ийнхүү 8 жилийн дараа дахин нээгдэж байгаа нь дотоодын хөрөнгийн зах зээлийн хөгжлийг дэмжих, хөрөнгө оруулагчдад эрсдэлгүй, хөрвөх чадвар сайтай санхүүгийн хэрэгсэл санал болгох, зах зээлийн суурь хүүг тогтоох зорилготой юм.

Засгийн газрын дотоод үнэт цаасны анхдагч зах зээлийн арилжаа нь Сангийн сайдын 2025 оны 51 дүгээр тушаалаар батлагдсан “Засгийн газрын дотоод үнэт цаасны 2025 оны 2 дугаар улирлын арилжааны хуваарь”-ийн дагуу “Монголын хөрөнгийн бирж” ХК-ийн цахим арилжааны систем www.bond.mse.mn-ээр дамжуулан зохион байгуулагдана.

Хөрөнгө оруулагчид Засгийн газрын дотоод үнэт цаасны анхдагч зах зээлийн арилжаанд оролцохдоо үнэт цаасны брокерын үйл ажиллагаа эрхлэгч компаниар дамжуулан захиалга өгөх бөгөөд арилжаатай холбоотой дэлгэрэнгүй мэдээллийг "Монголын хөрөнгийн бирж" ХК-ийн цахим хуудас (www.mse.mn) болон үнэт цаасны компаниудаар дамжуулан авна уу.

Засгийн газрын үнэт цаас нь хөрөнгө оруулагчдын хувьд хамгийн эрсдэлгүй, хөрвөх чадвар өндөртэй санхүүгийн хэрэгсэл бөгөөд үнэт цаасны хүүгийн орлого нь орлогын албан татвараас чөлөөлөгддөг. Түүнчлэн, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн дагуу аж ахуй нэгжүүд гүйцэтгэлийн болон урьдчилгаа төлбөрийн тендерийн баталгааг Засгийн газрын дотоод үнэт цаасаар гаргах боломжтой зэрэг давуу талуудтай болно.  

Засгийн газрын дотоод үнэт цаасны 2025 оны 2 дугаар улирлын арилжааны хуваарьтай энд дарж танилцана уу.

 

МОНГОЛЫН ХӨРӨНГИЙН БИРЖ