Санхүүгийн зохицуулах хорооны 2011 оны 06-р сарын 30-ны өдрийн 185 тоот тогтоолоор “Сөдөт” ХК-ийн нийт 175,265 ширхэг гаргасан хувьцааны 83.63 хувийг нэгдмэл сонирхолтойгоор эзэмшигч “Азиа пасифик инвестмент партнерс” лимитед компани, АНУ-ын иргэн Ли Кашелл, Б.Цэндсүрэн нараас тус компанийн бусад хувьцаа эзэмшигчдийн өмчлөлд байгаа нийт хувьцааны 16.37 хувь буюу 28,697 ширхэг хувьцааг нэг бүрийг нь 142 төгрөгөөр худалдан авч тус компанийг 100 хувь эзэмшихээр тендер санал гаргасныг зөвшөөрсөн байна. Тогтоолын дагуу тендер саналын хүчинтэй байх хугацааг 2011 оны 06-р сарын 30-ны өдрөөс эхлэн ажлын 60 хоногоор тогтоосон бөгөөд 07-р сарын 05-ны өдрийн дотор ҮЦТТТХТ дахь данс нь нээгдээгүй байгаа хувьцаа эзэмшигчдийн дансыг компанийн санхүүжилтээр нээлгэхийг мөн үүрэг болгосон байна.