Сангийн сайдын 2014 оны 178 дугаар тушаалаар Засгийн газрын үнэт цаасны дотоодын зах зээлийг хөгжүүлэх, гадаад болон дотоодын хөрөнгө оруулагчдын оролцоо, өрсөлдөөн болон ил тод байдлыг нэмэгдүүлэх, үнэт цаасны арилжаа, төлбөр тооцооны тогтолцоог сайжруулах талаар санал боловсуулах үүрэг бүхий ажлын хэсэг байгуулагдсан.

Энэхүү ажлын хэсгийг Сангийн дэд сайд С. Пүрэв ахалсан бөгөөд бүрэлдэхүүнд Сангийн Яам, Санхүүгийн Зохицуулах Хороо, Монголбанк болон Хөрөнгийн Биржийн холбогдох ажилтнууд орж ажилласан юм.

2014 оны 8 дугаар сарын 21-ний өдөр дээрх ажлын хэсгээс Засгийн газрын үнэт цаастай холбоотой бүх арилжааг Хөрөнгийн биржээр явуулах нь зүйтэй гэсэн зөвлөмжийг гаргасан байна. Энэхүү зөвлөмжийг Сангийн сайд хүлээн авсан тохиолдолд Засгийн газрын хуралдаанаар хэлэлцүүлж эцсийн шийдвэр гарах юм.

 

 

Мэдээллийн алба

МОНГОЛЫН ХӨРӨНГИЙН БИРЖ